تانك ايلي تاچمن صحنيگه ايسدي
چقريش مقصدده پرده دن گل ني
قرغه كيليب درختگه أويه قوردي
كيلگني قويمسليك اوچون بلبل ني
قزيب كيتدي قيشني ساووق بازاري
رنگ اوچتي، هيدكيتدي باغ وگلزاردن
كيب آلدي گلشن قاردن آق كويلك
گلبن نينگ كوز ياشي موزلب آزار دن
ييرنينگ ييتي قت پرده سي آستيده
تون نينگ ظلمتيدن يشينر قوياش
ساوق دن تنيگه توشيب تيترتمه
آقرمظلوم اولوس نينگ كوزيدن ياش
قارآستيگه قالدي كوكت ويپراق
باشلندي چمنگه قيش نينگ بيدادي
سينيقيب باغ، چمن اهلي نينگ روحي
ايشتيلمس بونده بلبل فريادي
ليكن حيات تيلپينيب يوررآلغه
توختارسيز ايلگري يوگوررزمان
مست دينگيزديك تولقين آتيب قيرغاققه
اوزگريب باره دي توخته مي جهان
عدالت كوكلمي كيلگي بويورتگه
دوستليك عشق كيلترر بيركون آبادليك
توتقونليك نينگ قرا بولوت تي كتيب
بو اولكه ده هم باش چيكر آزادليك
بوافسرده ليك وكرختليك كيتر
خلق قوزغه لاني له بولمه نا اميد
كوكلم كيليب اوزر قيش طوماريني
پارلب چيقر ايركوكي اوزره خورشيد
گداز فاريابي
Afghanistan people's front 