تلانلندی بواوچماق ملک قولاق سال داستانیمگه
یوره ک کویماقیدن سورمه فراق اوت اوردی جانیمگه
توشیب هراویده ایریلیق یمان حالت بولیب قالدی
اولوس قالیب قرا کونگه ، جفا بولدی روانیمگه
قلیب صلح آتیگه دعوت ییتیب نیرنگ لر هر یان
بیریب برباد ملک ورحم قیلمی نو جوانیمگه
عجب لهو مکدر دشمن ملت گه یول بیرماق
قلیب فاشیست لر سازش نه انگ سود وزیانیمگه
قیزیق خرمهره بازاری کورینگ زاهدنینگ آوانی
که گوهر قیمتی سیندی نه ارزش عزو شانیمگه
یرشتیرماق تبر بیرله یغاچ نی بولمه گی ممکن
غنی قاچدی وکون تون بولدی ایل ناتوانیمگه
کورینگ قویلرگه چوپان بولدی بوری نیعجب دوران
که یوزلرچه ئیگیت یوق ، قنچه یغلی بی نشانیمگه
ایریشش صلح سوزیگه ایشنچیم قالمه دی منبعد
کوریب اوتدیم خیانت ایتدیلر کوب آرمانیمگه
کیلیب مسند گه قاتل برچه ایل گه ظلم لربرپا
که بیر لونچ دیب اورر هرکیم بوسه یخشی یمانیمگه
سولیب چیچک لر وهم اوتگه یاقیلدی بوتون اورمان
قولیده کول دن اوزگه نرسه یوق دیر باغبانیمگه
قیلیندی پرده ارقاسیگه صحبت یاشیرین ایل دن
تروریست لر گه قدرت تابشیریب اوت اوردی جانیمگه
کیلیب بیر نیچه یاش کودک هنرسیز بی عمل ملا
ادب سیز سوز ایتیشمس اختیار آلمیش عنانیمگه
آشیب ظلم حدیدن ایل نینگ سویک لاری نی ققشتدی
چیقر می ایل ایچیدن کوز توتای صاحبقرانیمگه
اوشل بیر کوچلی وباتور بیلیمدان رهبر صادق
فدا بولسین بوجانیم اول عزیز ومهربانیگه
توریب بیراق کوتاریب ظلم گه قرشی کورش قیلگی
قلیب ایل متحد پیروز بولر کور سخت جانیگه
دوکتور گداز
Afghanistan people's 