الف دن تا (ی) ردیفی گیچه
گلدیک آچیلیب کردی مهیم گلشن ارا
هم میسه اوپر ایاغینی گل بیرلا
بلبل اوقوییر نغمه بیله قنچه نوا
وصلینگ ایرور جمله جهاندن مطلوب
حسنینگ سنی گونگلگه بولدینگ مرغوب
بیر کیچه وصالینگ مینگه دیر بیر دنیا
بولگی بهشت مینگه وصال محبوب
یادینگ ایسلب بولدی خمارینگ دلچسپ
اول تازه یوزینگ حسن بهارینگ دلچسپ
کوزینگ وقاشینگ زلف ته تارینگ مرغوب
اول گلشن ارا باغ انارینگ دلچسپ
یاقوت مذابینگ منه دیر اب حیات
تاتلی وگوزل ییریب تورن آب نبات
اول ایککی کوزینگ قراشیده اوق اتگی
جان قوتقه ریشی قیین ویوق راه نجات
دل فتنه گه دوچ کیلیشگه کوزینگ باعث
حسنینگ بیله دل الر گه اوزینگ باعث
در ساچیشی بیرله اول دوداغ لر هر خیل
دل آلماغیگه بولیبدی سوزینگ باعث
دریای خیالیمده سوزینگ دیر مواج
بوینگ نی دیسم سرو رسا یا بیر عاج
قاش بیرله کوزوجمال زیبا نگ دیر طاق
عاشق وصال اوچون بیره ر جانین باج
بوینگ نی دیسم سرو روان حاصل هیچ
دل بولدی وصالینگ یولیده باذل هیچ
دریای خیالیم گه ایرور سن هر دم
دینگیز کته دیر قالیشیدن ساحل هیچ
کوزینگ بیره ر ایله نیشه جام قدح
ایچمی نیمه چون اول می گلفام قدح
عشقینگ یولیده بولیب چومجنون یوردیم
وصلینگ عرقین ایچی سرانجام قدح
زاهد سوزی دیر بی جذبه و کوب یخ
هر ئیرده اوره ر ایت کبی بیجا او زنخ
جنت نی اوزیگه ملک بیلیب فخر ساتر
جنت اونگه مقصد وباره ر جای دوژخ
بویونگچه بومس گوزل لیگه سرو بلند
هر کورگنه دل بولر یوزینگدن خرسند
هجرینگده یوره ک قیسته نری کوب بولدی
کیل گین کوراین سینی نگار دلبند
اوپگنده ایرور لعل سخندانی لذیذ
کولگنده بولور پسته ی خندانی لذیذ
هر باقیشه جان آلگوسی شهلا کوزلر
بیمار لیگیگه آهوی حیرانی لذیذ
کورگنده یوزین قالمه دی بو تنده مدار
بیلمس ولیب بیلدی حالیم او دلدار
تا وصلی اوچون ایشیم الربولسه برار
جان ودلمی بیرای یولیده بو قرار
چیقدی خط ودیر تازه گلستانی هنوز
شهد ینگلی شیرین لعل سخندانی هنوز
کوز وقاشی وحسنی جهانده دیر طاق
در ساچره دیر پسته ی خندانی هنوز
ئیتمس هدفه فکرینگ اگر بولسه چه؟کاژ
زاهد وعظی هرئیرده ایشیت سینگ ژاژ
توغری سوزده حلاوت و تاتلی بار
زاهد ایلدن جنت اوچون آلر باژ
ملتگه بوکون بولیبدی اوز اویی قفس
ظلمت قولیدن اولو س بوگن ضیق نفس
ایرکین لیک اوچون تلاش ضروری بولدی
اندیشه بولر بوکون قیامینگده جرس
غفلتده بولیش باعث سودا ایرمیش
تشویش قیلیش عمرده بیجارایرمیش
آگاه بولیش عمر نی تاتلی ایتگی
دانا اثری قالمیشی مانا ایرمیش
یولدن آزر اول فکریده دیر سودا حرص
قوش دامگه توشر باشیده دیر بیجا حرص
کیچ سینگ طمع دن تاتلی بولر سینگه حیات
قانع بومه گن نی ایته دی رسوا حرص
دوستلیکنی بوزرطمع اگر بوسه غرض
حرص باعث سودا و اوزی کته مرض
تویمس حریص قنچه بوسه مال اونگه
بول جوهر ایمس بلکه اونگه بولدی عرض
ظلمتده یشر زاهد و دیر دینی غلط
اوزدن چیقرن بشقه چه آبینی غلط
الدار خلایق نی ریا بیرله ینه
ظاهر ده عدالت بیله تمکینی غلط
یار چهره سینی کورسه بولردل محظوظ
صحن چمنه گل بیله بلبل محظوظ
کوکلم بولنه جهان بولر تازه مگر
ایلر منی اول چهره وسنبل محظوظ
کوبدیر کیشی لر بنده وبیمار طمع
قیزیق بو عصر، ده بولدی بازار طمع
سودا وطمع باعثی بولدی بو فعل
تاتلی یشه سنگ بولمه طلبگار طمع
دانا کیشی دیر علم بیله مثل چراغ
منطق بیله یاریتربوسه هرنه سوراغ
بیلمس لیک ایله زاهد آلر اونگه کلاغ
دانا اولوسه خدمت ایتر بولسه فراغ
داناگه بیلیم بیره ر همه عز وشرف
دانا نی اتگله در وایل دیر چوصدف
زاهد که همیشه علم گه قرشی دیر
یارقینلیک وکیچه بولدی بیر، بیرگه طرف
اول شوخ که بول زمانده دیر حسنی طاق
دل کورماقیده ایرور انی کوب مشتاق
لعل لبی دیر عاشقه جان بیرگوچی
هجریده ولی چیکر میشم درد فراق
حسنی بیله اول شوخ آلر تا که یوره ک
افسون قیلوچی کوزلاریده یوقتور شک
جان ایتدی اسیر زلف طراری بیله
هم لطف ومحبتی دن یوق هیچ درک
دل الماقیده کوزلری ایتدی آهنگ
آهوبیله اول شکار ایگوچی پلنگ
هر ایله نیشه می بیرادیر ایککی کوزی
زلفی بیله کوب یوره ک لرالیبدی به چنگ
قد طبی، دوداغی شکر و یوزی گل
عاشق انینگ گلشنیده دیر، بلبل
آی گردیده دیر ایککی ایلان چنبر اورن
گلنی قوچاغلب آلیبدیر کورگین سنبل
نادان که ایرور جاهل وهم علمی کم
هم بولسه تعصب وحسد جهلی گه ضم
عالم نی تحجر بیله ایتگوچی خراب
گر قدرت آسه خلقه ایتر ظلم وستم
تا بولدیم اسیر زلف طرارینگ مین
هم جان بیروچی لعل گهر بارینگ مین
اول گلشنه آهوکوزلرینگ ایله نیشی
پابند اوشل مردم خونخوارینگ مین
قدینگچه بومس قامت ناژو دلجو
هم کوزلرینگه بومس حریف هیچ آهو
زلفینگ بیله تینگ بولالمگی گه سنبل
گل هم بومه گی اضافه سین دن سرمو
قیلسنگ گنه و سنگه لازم توبه
قیلمه گنه وبولمسین ملزم توبه
می ایماقیم بولدی عادت هر کونلیک
ایندی بولاین بوفعله عازم توبه
لعلینگده حریف ایمس عقیق یمنی
سوزینگده یتالمگی چه؟ در عدنی
کوزینگچه نشئه بیرالمس ایرمیش افیون
هم حسنینگه یوق بها وبیع وثمنی
دوکتور گداز
Afghanistan people's front 